Ditën e sotme gjatë seancës së sotme parlamentare Ministrja për Shtetin dhe Parlamenti, Elisa Spiropali dhe deputetja e Partisë Demokratike, Grida Duma janë përplasur në distancë, duke mos i kursyer as fyerjet. Ministrja Elisa Spiropali ka folur në Kuvend me tone të ashpra ndaj deputetes Duma, pasi kjo e fundit i kujtoi ‘Skënderbeun’ dhe krahasimin e tij me kryeministrin Edi Rama.
Në kundërpërgjigje, Spiropali e quajti Dumën delirante, duke shtuar se si person, ka shumë formë se përmbajtje. Ndërkohë, deputetët e opozitës, gjatë fjalës së Spiropalit, përplasën duart mbi tavolina duke kundërshtuar fjalorin e saj.
PJESË NGA DEBATI:
Grida Duma: Ne kemi një inkoherencë të madhe, e kemi për Shqipërinë. Përpiqemi që të jemi në atë modestinë tonë për të qenë konherencë për të qenë me Skënderbeun. Jeni inkoherente…
Felaj: Do e ndërpes fjalën, ju mund t’i bini bankave dhe çdo gjë tjetër. Por ajo që është e shkruar do zbatohet.
Spiropali: Po ç’keni pse nuk doni përgjigje?
Felaj: Çdo njeri ka rregullore dhe Kushtetutë para, lexoje dhe nëse nuk e gjen, largohem unë nga kjo sallë.
Spiropali: Nuk e dëgjova me vëmendje deputeten, ka një spirrë verbale. Arrogante, e vrazhdë. Është triumfi absolot i formës mbi përmbajtjen. Gjeti kohë që baltën ta hidhte dhe mbi mua, nuk e marr dot inat. Sepse lavjerrësi i saj politik flet më shumë se gjithçka tjetër. Luli i mirë, Luli i keq. Berisha, i mirë, Berisha i keq. Duhet të iki, duhet të kthehet. Dhe vetëm kësaj inkoherence iu përgjigja. Vetëm mund të qesh. Nuk ka make-up që i mbulon këto mangësi. Duke perifrazuar edhe shprehjen. Patjetër që lind, nuk bëhesh. Kështu vlen edhe për politikanët. Shëndet zonjë, zoti qoftë me ty, por duket se ti nuk je me të.
Grida Duma: Koeficient i ulët inteligjence, kur përmbajtësisht të shqetëson forma. është çështje trashësie, e ke ti këtë. Tani pse ia hoqët zonjës Bano fjalën, pa e ditur se çfarë ishte?
