Kukësi ka mbyllur procesin për zgjedhjet e 25 Prillit, pasi përpos fletëve të votimit për partinë, kanë mbaruar numërimet edhe për kandidatët. Ky qark, do të çojë në parlamentin e ri 3 deputetë, dy të PD-së dhe 1 PS-së. Parlamenti i ri, do të konstituohet në shtator të këtij viti.
Nga Partia Demokratike, fituan mandatin i pari i listës, biznesmeni Flamur Hoxha, si dhe Isuf Çelaj, ndërsa nga PS, Gerta Duraku. Theksojmë se verdiktin për partinë, nuk e ndryshoi vota preferenciale, pasi kandidatët poshtë fituesve nuk arritën që të marrin mandat.
Gara ka qenë e parashikuar dhe çdo gjë në Kukës, ka shkuar sipas pritshmërive. Por, ka rezervuar edhe një befasi të madhe. Kandidatja e Nismës Thurje, Era Buçpapaj , ka marrë vetëm një votë. Pra, praktikisht vetëm votën e saj, pasi as familja apo miqtë nuk i kanë besuar për ta mbështetur.
