Pas akuzave për fshehje të pasurisë dhe deklarim të rremë,është shkarkuar nga detyra kreu i Gjykatës së Korçës, Admir Belishta.
Nga verifikimet të kryera nga Komisioni i Pavarur i Kualifikimit, rezultoi se kishte mospërputhje mes pasurisë dhe deklarimeve të tij. ILDKPI raportoi tek Komisioni i Pavarur i Kualifikimit për problemet e gjyqtarit Admir Belishta.
KPK ngriti grupin gjykues të përbërë nga Olsi Komici, Lulzim Hamitaj dhe Genta Tafa dhe vendosi të shkarkonte Belishtën për arsyet e mësipërme.
Ndërkaq thuhet se në vitin 2009 kreu i Gjykatës së Korçës ka blerë dhe mobiluar një apartament 107 metra katrorë në Korçë, vlera e të cilit përllogaritet në 6 milionë lekë.
