Në dhjetor u lajmërua se drafti, i cili parashikonte njohjen e patentave shqiptare në Greqi, do kalonte në Paralamentin grek.
Ditën e sotme Komisioni i Përhershëm për Prodhim dhe Tregti në Parlamentin grek miratoi Projektligjin e Ministrisë greke të Infrastrukturës dhe Transportit për njohjen e ndërsjellë të lejeve të drejtimit midis Shqipërisë dhe Greqisë.
Deputetët votuan me shumicë votash “pro” këtij projektligji.
Kjo marrëveshje është firmosur nga Shqipëria e Greqia në 2018 , por që të hynte në fuqi duhet të ratifikohej nga Parlamenti grek.
Emigrantët shqiptarë do të dorëzojnë lejen e drejtimit, marrë në Shqipëri dhe do të marrin atë greke duke pasur mundësinë, të qarkullojnë si drejtues mjeti në Greqi, me të drejta të barabarta me shtetasit grekë.
Nëse do kthehen përsëri në vendin tonë ata duhet të bëjnë të njëjtën procedurë për ta rimarrë patentën shqiptare.
