Autoriteti i Aviacionit Civil ka dhënë një njoftim të rëndësishëm, për ata që kanë zgjedhur të udhëtojnë nga Tirana në Itali dhe anasjelltas, më datë 6 shtator.
Nëpërmjet një postimi në rrjetet sociale, AAC njofton se do të ketë anullime dhe vonesa të fluturimeve për shkak të një greve 24 orëshe.
Më tej në njoftim thuhet, se në këtë datë do të ketë grevë të përgjithshme të transportit kombëtar në Itali.
AAC këshillon të gjithë personat që kanë parashikuar të udhëtojnë drejt Italisë në këtë datë, që të komunikojnë me kompanitë ku kanë rezervuar, për të gjetur një zgjidhje.
Njoftimi i AAC
NJOFTIM PËR GJITHË PASAGJERËT QË DO UDHËTOJNË DREJT ITALISË
Autoriteti i Aviacionit Civil Shqiptar, i bën apel gjithë pasagjerëve që do të udhëtojnë në datën 6 Shtator 2019 nga Tirana drejt Italisë dhe anasjelltas, se për shkak të një grevë që pritet të jetë 24 orëshe, do të ketë anullime dhe vonesa të fluturimeve.
Vonesat dhe anulllimet vijnë si pasojë e një greve të përgjithshme të transportit kombëtar në Itali.
Për të shmangur pritjet e gjata, këshillojmë të gjithë personat që kanë parashikuar të udhëtojnë nga dhe drejt Italisë në datën 6 Shtator të kontrollojnë dhe të komunikojmë me kompanitë ku kanë rezervuar biletat e udhëtimit për tu njohur nësë afektohet fluturimi juaj.
