Austria do të heqë kufizimet duke filluar që nga dita e nesërme. Ky lajm vjen pasi ministrat e jashtëm të Bashkimit Evropian ranë dakord për heqjen e kufizimeve të udhëtimit për Shqipërinë.
Asnjë kriter nuk duhet plotësuar për të udhëtuar drejt Austrisë, ndërsa theksohet se të gjithë qytetarët duhet të kenë maska FFP2. Ndërsa ka një thirrje për të gjithë ata pasagjerë që janë tranzit në Austri, ju lutemi të kontrollojnë rregullat e udhëtimit Covid-19, që ka destinacioni final i mbërritjes. Kujtojmë se edhe disa shtete të tjera të Bashkimit Evropian kanë hequr kufizimet me vendin tonë, përfshirë këtu edhe Greqinë.
“Austria heq të gjitha kufizimet për pasagjerët me pasaporta biometrike që udhëtojnë në Austri, duke filluar nga data 24 Qershor 2021.
1) Asnjë kriter testi
2) Asnjë kriter vaksine
3) Vizat për rastet e aplikueshme vazhdojnë si më parë
I vetmi kriter, ju lutemi qytetarëve që udhëtojnë në Austri, është maska FFP2, si kjo ne foto. Kompania Austrian Airlines që operon në Austri, e ka të detyrueshme vetëm këtë tip maske, që e gjeni në farmaci.
Ata pasagjerë që janë tranzit në Austri, ju lutemi të kontrollojnë rregullat e udhëtimit Covid-19, që ka destinacioni final i mbërritjes”, thuhet në njoftimin zyrtar të Tirana International Airport.
