Listës së deputetëve që kanë refuzuar mandatin i shtohet edhe një tjetër emër i njohur. Bëhet fjalë për Erion Picirin, një prej kandidatëve për deputet në listën e Partisë Demokratike në zgjedhjet e përgjithshme të vitit 2017.
Përmes një postimi në rrjetin e tij social, Piciri thotë se është plotësisht pro djegies së mandateve dhe përgëzon në të njëjtën kohë, të gjithë ata deputet që kanë marrë të njëjtin vendim.
Argumenti që Piciri ka zgjedhur për refuzim ka qenë ky: “Vështirë të gjej aty ndonjë personazh që sjell erë ndryshimi. Krahasojini me deputetë a kongresmenë të vendeve të tjera dhe do kuptoni nivelin e përfaqësimit”.
Reagimi i plotë:
PRO DJEGIES SE MANDATEVE Përgëzime të gjithë atyre që dogjen mandatet e deputetëve. Njeriu duhet të njohi kufizimet e veta. Veshtire te gjeje aty ndonje personazh qe sjell ere ndryshimi. Krahasojini me deputete a kongresmene te vendeve te tjera dhe do kuptoni nivelin e perfaqesimit. Mediokritete pa fund te imponuara si modele te elites politike kombetare. Deputeti kudo eshte personalitet, mendimtar dhe orator, ketu ka perfunduar ne dordolec i varur ne kremastarin e kryetareve. Mire eshte te ikin edhe shume te tjere nga ana e pushtetit. Parlamentit duhet t’i kthehet serioziteti dhe profesionalizmi i njerezve me vokacion politik.
