Dy vjet pas tërmetit shkatërrues në Shqipëri, dhe vetëm 2 muaj para zgjedhjeve, banorëve të harruar në rrugë duket se u erdhi dita.
26 nëntori, bilanci tragjik i të cilit përfundoi me 51 të vdekur, me shumë banorë pa shtëpi, e shumë nxënës pa shkolla, mesa duket është shëndërruar në kryefjalën e fushatës elektorale të Partisë Socialiste.
Prej disa javësh tashmë është harruar situata kritike e pandemisë. Vetë Rama dhe kryebashkiaku Erion Veliaj janë marrë personalisht me shpërndarjen e çelësave tek banorët.
Të rrethuar me kamera dhe vëmendje mediatike, dyshja Rama-Veliaj është parë thuajse përditë në një shtëpi të re, duke dhënë hera herës dhe mesazhe të pastra elektorale.
Duket qartë se banorët u lanë dy stinë dimri të gjata e të ftohta për një arsye, vetëm për qëllimin e qartë elektoral.
Nëse i risjellin në vëmendje deklaratat e kryeminstritt, të gjitha i referoheshin premitmit se brenda vitit 2020 të gjithë banorët e prekur nga tërmeti do të jenë në banesat e reja, gjë e cila nuk ndodhi.
Madje për ato familje që iu ishin prishur banesat private do të futeshin në shtëpitë e tyre që në 6 mujorin e parë të 2020.
Edhe pse qeveria duket se e përdori pandeminë në funksion të saj, zvarritja e procesit të rindërtimtit nisi që pa filluar pandemia.
Kujtojmë se deri më 10 mars të vitit 2020, nuk ishin shpallur ende gara për kompanitë që do të ndërtonin banesat individuale, ndërkohë që izolimi ndodhi që prej datës 9 mars të vitit 2020.
Mesa duket slogani që na shoqëroi gjatë muajve të vështirë të tërmetit “ti nuk do të jesh kurrë vetëm” duket qartë se u shndërrua” një shtëpi një votë”.
