Gjykata e Durrësit ka vendosur masën e sigurisë “Arrest me burg” për Elvis Gaçajn, ose i njohur ndryshe me nofkën “gabeli”.
Gaçaj është një prej të dyshuarve për vrasjen e ish-policit Santiago Malko.
Ai u arrestua pak ditë më parë në qyetin e Durresit.
44-vjeçari nuk respektoi urdhërin e policisë për të ndaluar, shkruan “Dosja.al”.
Së bashku me të në makinë ishte edhe Klajdi Driza, i cili është lënë i lirë.
Elvis Gaçaj është arrestuar edhe në prill për tentativë vrasje, por ka arritur që të fitojë lirinë.
Gaçaj ka mundur t’u shpëtojë 3 atentateve, ndërsa dyshohet se është i përfshirë në një vrasje në vitin 1992 dhe një plagosje në 2008-ën.
Në 2015-ën, ai ka qenë objektiv i atentatit te “Lulishtja 1 maji” në Tiranë, ku mbetën të vrarë gabimisht dy persona të tjerë, ndërsa vetë mbeti i plagosur.
Ndaj tij rëndon edhe akuza e mbjelljes së lëndëve narkotike, më konkretisht për parcelat me hashash në zonën e Shëngjinit.
