Në orën 20:45 Shqipëria do të luaj sfidën e radhës me Poloninë në stadium,in “Air Albania”. Takimi do të luhet me kapacitetin maksimal të tifozëve që do të jenë rreth 22 mijë persona në shkallët e stadiumit që do të mbështesin me brohoritma kuqezinjtë, ndërsa bëhet me dije se nuk do të mungojnë në këtë ndeshje as tifozët polak të cilët do të jenë rreth 1000 për të mbështetur kombëtaren e tyre.
Por kur na ndajnë edhe pak orë nga sfida kanë nisur përplasjet e para mes tifozëve kuqezinjtë dhe atyre polak. Incidenti mësohet të ketë ndodhur para presidencës ndërsa një grup tifozësh shqiptarë janë sharë dhe ofenduar me disa tifozë polak të cilët ishin të pranishëm aty. Ka ndërhyrë policia që të shpërndante turmën në mënyrë që situata të mos agravonte më tej dhe të kalonte në konfrontime fizikëe midis tifozëve.
Kujtojmë se kuqezinjtë triumfuan në sfidën që patën me Hungarinë dhe që u zhvillua në Budapest. Armando Broja i dha një tjetër fitore skuadrës sonë, pas ndeshjes që u zhvillua në “Elbasan Arena”.
Sot në orën 20:45 kombëtarja do të përballet me Poloninë në “Air Albania” në kuadër të kualifikueseve të Botërorit, Katar 2022. Në rast se “kuqezinjtë” marrin tre pikët ndaj polakëve, cfarëdo të jetë rezultati me Anglinë dhe një fitore me Andorran do të na “blindojë” në vendin e dytë.
UEFA ka caktuar arbitrin kryesor për këtë ndeshje, është pikërisht një nga më të mirët në botë momentalisht, francezi Clement Turpin, ndërsa ndihmës të tij do të jenë, Danos, Gringore dhe Bouqet ndërsa në VAR, Jeroma Brisard dhe Amaury Delerue.
