Ndërkohë që lufta i ka kaluar tashmë një muaj, pala ukrainase dhe ajo ruse vazhdojnë përpjekjet për negociata duke u takuar në Turqi.
Keivi kërkon një armëpushim pa hequr dorë nga territori apo sovraniteti i tij.
Ministri i Jashtëm ukrainas, Dmytro Kuleba, ka thënë për bisedimet në Stamboll: “Ne nuk po këmbejmë njerëz, tokë apo sovranitet”. “Minimalisht ne do të flasim për çështjet humanitare dhe maksimalisht për të arritur një marrëveshje armëpushimi”, tha ai gjatë një adresimi televiziv. Por, këshilltari i Ministrisë së Brendshme ukrainase, Vadym Denysenko, tha se ai ka dyshime se mund të arrihen rezultate konkrete.
Theksojmë se miliarderi rus Roman Abramovich, pronari i klubit të futbollit Chelsea, po merr pjesë ditën e sotme në bidesimet që po mbahen në Stamboll mes Rusisë dhe Ukrainës.
Siç shihet edhe në pamjet e transmetuara nga mediat turke, Abramovich është i ulur në tavolinë përkrah me zëdhënësin e presidentit turk Ibrahim Kalin, dhe mban në vesh kufje përkthimi. Ai nuk është në tryezën kryesore të delegacioneve turke dhe ukrainase.
Thuhet se Kalin ka ndihmuar në koordinimin e takimeve mes oligarkurt rus dhe anëtarëve të delegacionit ukrainas. Prania e Abramovich në takim na dëshmon se ai është ende i përfshirë në njëfarë niveli në përpjekjet e ndërmjetësimit.
Dje dolën raporte se ai pësoi simptoma të dyshimit të helmimit gjatë bisedimeve të paqes në fillim të muajit, në kufitin Ukrainë- Bjellorusi.
