Ish-presidenti Bujar Nishani ka bërë një deklaratë të fortë në lidhje shpalljen “non-grata” të ish-kryeministrit Sali Berisha. Nishani tha se kreu i PD, Lulzim Basha ishte në dijeni të këtij vendimi të Shteteve të Bashkuara të Amerikës. Ish-presidenti Nishani tha në emisionin “Frontline” se Basha e dinte për shpalljen “non-grata” dhe jo pa qëllim afroi datën e zgjedhjeve Brenda partisë. Ai u shpreh se kjo çështje ka krijuar një shok Brenda PD-së dhe kjo është e pamohueshme.
“Unë jam shprehur qartë kur më është kërkuar mendim. Kjo është një çështje që zoti Berisha e ka adresuar diskursin drejt zgjidhjes gjyqësore. E ka bërë zgjedhjen e tij. Me rëndësi në këtë çështje janë dy gjëra. Në këtë histori personale me Berishën unë mund të dëshmojë në çdo kohë, se unë kam ndeshur njeriun e ndershëm institucional dhe skam ndeshur kurrë një minimum të korrupsionit. Kjo çështje është një çështje që s’do t’i cënojë kurrë marrëdhëniet SHBA-Shqipërinë. S’kam droje fare. Skam asnjë ndonjë informacion apo indicie. Unë kam kuptuar se zoti Basha ka qenë në dijeni të informacionit, pasi jo pa qëllim afroi jo në mënyrë të pritur datën e zgjedhjeve brenda partisë. Kjo çështje ka krijuar një shok brenda PD. Se mohojmë dot. Pasi Berisha është themelues i PD dhe për të ka ndjeshmëri”, deklaroi Nishani.
