Ngjarjet e fundit në vend kanë ngjallur polemika edhe te politika, vrasja në Fier dhe grabitja në Krujë. Ditën e djeshme reagoi Partia Demokratike, ndërsa sot me anë të një postimi në rrjetet sociale ka reaguar Presidenti Meta.
Meta në statusin e tij ka deklaruar se dënon aktet kriminale të ditëve të fundit në vend, që sipas tij përbëjnë një kërcënim serioz të sigurinë e jetës dhe pronës në vend.
Kreu i Shtetit iu ka bërë apel institucioneve ligjzbatuese që të marrin sa m,ë parë masa dhe të forcojnë bashkëpunimin për të vënë para drejtësisë autorët, por edhe të parandalojnë ngjarje të tjera të rënda në vend.
“Dënoj me forcë aktet tepër të rënda kriminale të ditëve të fundit, vrasjen e biznesmenit Backa në qendër të Fierit, si dhe grabitjen dhe torturimin e biznesmenit Çangu në Nikël të Krujës.
Këto ngjarje, që kanë tronditur thellë opinionin publik, përbëjnë një kërcënim serioz për rendin, sigurinë e jetës dhe pronës së qytetarëve, por edhe për zhvillimet ekonomike dhe sociale të vendit.
I bëj thirrje Policisë së Shtetit, Prokurorisë, Shërbimit Informativ të Shtetit, si dhe të gjithë institucioneve të tjera ligjzbatuese në vend, të forcojnë bashkëpunimin për arrestimin e menjëhershëm të autorëve me rrezikshmëri të lartë dhe vënien e tyre para drejtësisë, por edhe për të marrë të gjitha masat efektive për të parandaluar ngjarje të tilla të rënda dhe tronditëse kriminale”, deklaron Presidenti Meta.
