Një ngjarje e shëmtuar për imazhin e Shqipërisë dhe shqiptarëve është shënuar në Itali pak muaj më parë.
Mësohet se një infermier shqiptar 44 vjeç me banim në Boltiere është kapur në flagrancë gjatë vjedhjes së një pacienti që kishte vdekur nga koronavirusi.
Sipas autoriteteve italiane ngjarja ka ndodhur më 13 mars fhe infermieri shqiptar në bashkëpunim me të fejuarën e tij 21-vjeçare kanë marrë 6,000 euro nga llogaria e pacientit 66-vjeçar që kishte humbur jetën nga COVID-19.
Pacieti 66-vjeçar ndërroi jetë më 18 prill dhe ishin vetë familjarët e viktimës që vunë re mungesën e parave dhe denoncuan në rajonin policor Romano di Lombardia (Bergamo).
“Një histori e shëmtuar, në një moment tragjik, një abuzim i kryer ndaj një viktime të pafuqishëm”, e komentoi ngjarjen komandanti i policisë lokale.
