Qeveria nisi disa kohë më parë një aksion që u quajt shumë i sukseshëm për ndërtimet apo shtesat pa leje. Një prej biznesmenëve të prekur nga aksioni ishte edhe Julian Morina të cilit iu sekuestruan disa objekte në shkelje të lejes, kryesisht në Tiranë. Por duket se këtë herë qeveria ka vendosur që t’ia liçensojë ndërtimet këtij biznesmeni, i cili në korrik të vitit 2020 mori me miratimin e Këshillit Kombëtar të Territorit lejen e ndërtimit për një kompleks të përbërë nga hotel, apartmante dhe njësi shërbimi në Gjilekë të Himarës. Kompania zhvilluese e projektit ishte Rinia 04 në pronësi të biznesmenit Juljan Morina. Siaps vendimit fillestar të KKT-së ky kompleks do të kishte një sipërfaqje ndërtimi prej 7 mijë e 400 metrash katrorë mbi dhe nën tokë. Por, mesa duket aq nuk ishin të mjaftueshme, ndaj u bë një rishikim i lejes nga KKT, që në vendimin e dytë dha leje edhe për shtimin e një kati nëntokë, duke u justifikuar me motivacionin se ndërtimi i kompleksit kishte rezultuar me probleme për shkak të kuotave të terrenit, ndaj ishte e nevojshme ndryshimi i lejes për të shtuar edhe një kat tjetër nën tokë. Me lejen e re tashmë sipërfaqja e përgjithshme e ndërtimit shkon në 9 mijë e 800 metra, pra 2400 e metra katrorë ndërtim shtesë.
Sipas lejes së re, projekti do të ketë 3 kate nëntokë nga dy që ishin parashikuar në lejen e mëparshme. Tashmë një pjesë e tyre do të përdoret për njësi shërbimi, edhe pse më parë të gjitha katet nëntokë ishin caktuar si parkime.
Kujtojmë se biznesmeni julian Morina pak ditë më parë u thirr në SPAK, pasi u kapën disa transferta bankare me familjarët e ish-ministrit të brendshëm Sajmir Tahiri, një çështje që vijon të jetë në hetim.
