Kjo nuk është një ndër periudhat më të mira për presidentit e SHBA-ve, Donald Trump.
Sulmi ndan gjeneralit iranian, Qassim Soeliman, i shkaktoi atij 80 jetë të humbura (nga sulmi i Irani mbi bazat amerikane) dhe kërcënime të shumta për thellim të konfliktit.
Sikur të mos mjaftonte kjo, po përballet edhe me gjyqin për shkarkimin e mundshëm të tij.
Por, mes gjithë këtyre problemeve Donald Trump ka gjetur kohën për tu marrë edhe me çështjen Kosovë-Serbi.
Fillimisht, nëpërmjet një statusi në Twitter, Trump shkroi:
“Të gjithë thoshin se nuk bëhej dot. Por për herë të parë në një gjeneratë do të ketë fluturime të drejtpërdrejta midis Serbisë dhe Kosovës. Një tjetër fitore.”
Më pas, Richard Grenell, ambasadori amerikan në Gjermani dhe i dërguati i posaçëm i Trump, zhvilloi takime me presidentin e Kosovës e Serbisë, në përpjekje për të arritur një marrëveshja.
Ai propozoi që Serbia të njihte pavarësinë e Kosovës dhe kjo e fundit të hiqte taksën e plotë ndan mallrave serbe.
Por, nëse kjo u mirëprit nga Thaçi, presidenti serb pati një reagim krejt të ndryshëm.
Vuçi deklaroi se kjo gjë nuk mund të bëhej dhe se nuk janë dy gjëra të barasvlefshme.
Por, pse është kaq e rëndësishme kjo çështje për SHBA dhe Trumpin?
Lidhur me këtë çështje, në mungesë të një reagimi zyrtar, kanë folur analistët anerikanë.
Të kontaktuar nga Zëri i Amerikës ata shprehen se nuk shohin ndonjë përfitim të madh strategjik nga ana e Shteteve të Bashkuara, në këmbim të rolit që ata po luajnë.
Por, kjo mund të konsiderohet një fitore e lehtë e politikës së jashtme amerikane, krahasuar me sfidat e tjera ndërkombëtare.
“Sipas mendimit tim, administrata po përpiqet me të gjitha forcat për një sukses, diku në ndonjë pjesë të botës. Nuk ka ndonjë interest strategjik”, tha analisti Daniel Serwer i Univerisitetit Johns Hopkins.
Damon Wilson, zëvendës president i Këshillit të Atlantikut, dha një koment të ngjashëm për shërbimin serb të Zërit të Amerikës, duke përmendur mungesën e përparimit në disa prej prioriteteve të politikës së jashtme amerikane, si Irani dhe Koreja e Veriut.
“As në Ballkanin Perëndimor, nuk është e thjeshtë të arrish sukses, por atje ke të bësh me shtete demokratike që duan të jenë pjesë e Perëndimit dhe kanë një vizion të përbashkët për rajonin, si pjesë e Evropës. Kjo na jep një mundësi të mund të kontribuojmë dhe megjithëse mund të duket e vështirë, po ta krahasosh me Iranin, Korenë e Veriut dhe Venezuelën, është e thjeshtë”, tha ai.
James Hooper, ish-diplomat i Departamentit të Shtetit thotë se një sukses në Ballkan, do të ishte i dobishëm politikisht për Presidentin Trump në këtë kohë.
“Kështu ai mund të demonstrojë se gjyqi për shkarkimin, nuk e shpërqendron nga fokusi tek siguria kombëtare dhe tek çështjet ndërkombëtare”.
Ai shton se një sukses në politikën e jashtme mund ta ndihmojë zotin Trump në fushatën për rizgjedhje.
Megjithatë, pas zhvillimeve të fundit dhe takimeve të Grenell gjërat nuk duken shumë pozitive.
Nuk dihet se çfarë ndikimi do ketë kjo në fushatën e Trump.
