Disa nga politikanët shqiptarë kanë uruar shqiptarët për Krishtlindjet.
Teksa urojnë shpresë e prosperitet, të gjithë janë solidarizuar mbi viktimat e tërmetit të 26 nëntorit.
Presidenti Ilir Meta shkruan se në këtë Ditë të Shenjtë nuk duhen harruar të vetmuarit, njerëzit në nevojë dhe të sëmurët.
Më tej shkruan se solidariteti që treguam në këtë fatkeqësi, është një themel i qëndrueshëm ku mund dhe duhet të mbështetemi, për t’u ringritur, gjetur forcën dhe energjinë, për ndërtuar një Shqipëri më të mirë, më të dhembshur dhe më njerëzore.
Po ashtu, kryetari i Kuvendit, Gramoz Ruçi, shkruan se përjetimi dhe ritregimi i një feste plot dashuri e shpresë, dhimbje e humanizëm për të gjithë dhe nga të gjithë.
“Me rastin e festës së bukur të Krishtlindjeve, në këtë Natë dhe Ditë të shenjtë uroj të gjithë besimtarët e krishterë: Krishtlindje të gëzuara! Të gjithë shqiptarët le t’i bashkohemi gëzimit të kësaj feste dhe ta konsiderojmë këtë ditë të bekuar edhe festën tonë.Krishtlindjet janë përjetimi dhe ritregimi i një feste plot dashuri e shpresë, dhimbje e humanizëm për të gjithë dhe nga të gjithë. Në këtë Natë dhe Ditë të shenjtë të gjithë të tregojnë solidaritet për familjet që nuk munden të gëzojnë rreth pemës se Krishtlindjeve në shtëpitë që i humbën nga tërmeti. Në këtë Natë dhe Ditë të shenjtë të reflektojmë dhe të nxjerrim mësime që dashuria e besimtarëve të përshkojë gjithë jetët tona.”
Një urim ka ardhur edhe nga kreu i PD-së, Lulzim Basha.
Basha ka uruar të gjithë shqiptarët që i konsideron një familje.
Ndërsa Monika Kryemadhi shprehet se kemi shumë për të reflektuar në këtë ditë feste për tallazet e jetës, për momentet e gëzueshme dhe ato të trazuara.
