Një ngjarje e rëndë është shënuar në Milano të Italisë. Sipas asaj që raportojnë mediat hungareze një grua nga Hungaria është rrëmbyer, droguar dhe dhunuar nga një bandë mafioze shqiptare.
Sipas një artikulli të publikuar gruaja është rrëmbyer me qëllim shfrytëzimin për prostitucion. Ajo kishte shkruan një status në rrjetin social Facebook ku tregonte se ishte rrëmbyer dhe mbahej e mbyllur si dhe tregonte se ishte dhunuar dhe përdhunuar. Të paktë ishin njerëzit që e besuan statusin e saj në Facebook. Ndërkohë një grua po me origjinë hungareze por që jetonte në Milano bëri denoncimiun në Polici duke alarmuar autyoritet italiane që filluan punën kërkimore.
Siç raporton portali hungarez i lajmeve Borsonline , nëna e katër fëmijëve ishte detyruar të prostituonte nga një trafikant droge shqiptar. Viktima ishte në rrezik dhe është kërcënuar vazhdimisht duke u qëlluar me armë zjarri.
“Ajo nuk do të kishte pasur mundësi të kthehej në shtëpi nëse unë nuk do t’i besoja të gjitha dhe do të reagoja shpejt”, shkruan gruaja që i shpëtoi jetën nënës hungareze.
Viktima hungareze nuk është e para që është rrëmbyer në Milano. Në vitin 2017, një modele britanike u rrëmbye dhe u tentua të detyrohej të kryente prostitucion në qytetin italian. Sipas lajmeve të asaj kohe, modelja 20-vjeçare britanike u dërgua në Milano nga agjenti i saj për një sesion fotografik, por kur mbërriti u përball me realitetin e hidhur pasi nuk u prit nga fotografi por nga trafikantët e qenieve njerëzore. Gruaja u drogua menjëherë, i mbyllën gojën, e mbyllën në një çantë të madhe dhe e hodhën në bagazhin e një makine. Ajo u dërgua në një shtëpi 120 kilometra larg, ku u mbajt për 6 ditë.
