Në ndihmë të Italisë, Shqipëria dërgon 30 mjekë në Bergamo

Pavarësisht situatës në vendin tonë, 30 mjekë shqiptarë do të dërgohen në Bergamo, zonën më të goditur nga koronavirusi në Itali.

Vendimi është botuar edhe në Fletoren Zyrtare.

Mësohet se pagesa e mjekëve do të paguhet nga buxheti i shtetit shqiptar.

Lajmi është publikuar ditën e sotme edhe nga mediat italiane

Ndihma erdhi pas një marrëveshjeje mes kryeministrit Edi Rama dhe ministrit të Jashtëm italian, Di Maio.

VENDIMI

Në mbështetje të nenit 100 të Kushtetutës, të pikës 3, të nenit 35, të ligjit nr.10107, datë 30.3.2009, “Për kujdesin shëndetësor në Republikën e Shqipërisë”, të ndryshuar, të neneve 5 e 45, të ligjit nr.9936, datë 26.6.2008, “Për menaxhimin e sistemit buxhetor në Republikën e Shqipërisë”, të ndryshuar, dhe të ligjit nr.88/2019, “Për buxhetin e vitit 2020”, me propozimin e ministrit të Shëndetësisë dhe Mbrojtjes Sociale, Këshilli i Ministrave

VENDOSI:

1. Dhënien e ndihmës me personel shëndetësor,mjekë dhe infermierë, në kushtet e pandemisë së shkaktuar nga COVID-19, Republikës së Italisë.
2. Shpërblimi i mjekëve dhe infermierëve, që dotë ofrojnë shërbim shëndetësor sipas pikës 1, të këtij vendimi, do të jetë në vlerën 3 000 (tre mijë) euro në muaj për mjekët dhe 2500 (dy mijë e pesëqind) euro në muaj për infermierët.
3. Fondi prej 11 000 000 (njëmbëdhjetë milionë)lekësh për shpërblimin e personelit shëndetësor, mjekë dhe infermierë, sipas pikës 2, të këtij vendimi, të përballohet nga fondi rezervë i buxhetit të shtetit, miratuar për vitin 2020.
4. Ministria e Shëndetësië dhe Mbrojtjes Socialetë bëjë përzgjedhjen e mjekëve dhe infermierëve.
5. Ministria e Shëndetësisë dhe MbrojtjësSociale dhe Ministria e Infrastrukturës dhe Energjisë të marrin të gjitha masat për të siguruar transportin e personelit shëndetësor, mjekë dhe infermierë, drejt Italisë.
6. Ngarkohen Ministria e Shëndetësisë dheMbrojtjes Sociale, Ministria e Infrastrukturës dhe Energjisë dhe Ministria e Financave dhe Ekonomisë për zbatimin e këtij vendimi.

Ky vendim hyn në fuqi menjëherë dhe botohet në Fletoren Zyrtare.

Bilanci i COVID-19 në Itali është mbi 86 mijë të prekur, midis të cilëve 9134 të vdekur dhe 10.950 të shëruar.

Përtej numrit të lartë të viktimave Italia po përballet edhe me mungesën e mjekëve dhe shtretërve.

BE ndërkohë refuzoi lëvrimin e koronabondit për Italinë, duke i kthyer shpinën në këtë moment delikat.

Ndërsa në vendin tonë numri i të prekurve ka shkuar në 197 , në mesin e të cilëve 33 të shëruar dhe 10 viktima.