Një ditë pas ekzektutimit me breshëri plumbash të Bujar Çelës një lokal në Bradashesh të Elbasanit, dalin dhe pamjet e para nga momenti i ekzekutimit të tij.
Në një nga fotot e siguruara nga BallkanWeb, Çela duket duke pirë kafe me një filxhan kafeje në dorë, ndërsa shoqërohet edhe nga një tjetër person.
Ndërsa në foton e dytë Bujar Çela është ngritur nga tavolina për t’u larguar por atentatorët e kanë qëlluar me 21 plumba duke e lënë të vdekur në tokë. Pamjet e kapura nga kamerat e sigurisë së lokalit, kanë fokusuar momentin kur Çela është i shtrirë në tokë.
Ekzekutimi i tij ndodhi ditën e djeshme dhe Çela u qëllua nga tre persona të veshur si police me tre lloje armësh tip pistoletë dhe mori 21 plumba në trup. Ai ka qenë duke pirë kafen e mëngjesit në momentin që atentatorët e kanë qëlluar me 21 plumba duke i shkaktuar vdekjen e menjëhershme, ndërsa të shtënat nuk janë dëgjuar, pasi armët kanë qenë me silenciator.
Viktima Bujar Çela ishte person pa precedent penalë dhe punonte si taksist në të zezë, ndërsa ekzekutimi dyshohet se mund të jetë hakmarrje për aktivitetin kriminal të vëllait të tij Talo Çelës, një nga grabitësit 4.6 mln eurove në aeroportin e Rinasit, më 9 prill të 2019. Policia ka nisur hetimet për ngjarjen dhe dyshon se ai u vra për hakmarrje.
