Policia e Fierit ka arrestuar Dashamir Muçën, 61 vjeç, i shpallur në kërkim prej tre javësh.
Ai dyshohet se, në bashkëpunim me të birin, ishte i përfshirë në aktivitetin e shitjes së lëndëve narkotike.
Njoftimi:
Vijon operacioni policor i koduar “Peshtani”, kapet 61-vjeçari i shpallur në kërkim.
Specialistët për Hetimin e Narkotikëve, në bashkëpunim me shërbimet e Forcës së Posaçme Operacionale, të DVP Fier, si rezultat i kontrolleve të vazhdueshme për kapjen e shtetasve në kërkim, bazuar dhe në informacionet e siguruara nga inteligjenca policore, kapën dhe vunë në pranga shtetasin D. M., 61 vjeç, banues në fshatin Peshtan Bregas.
Ky shtetas u shpall në kërkim 3 javë më parë, në kuadër të operacionit “Peshtani”, pasi dyshohet se ka bashkëpunuar me djalin e tij, shtetasin J.(E.) M., 37 vjeç (i arrestuar më datë 15.11.2024), për veprimtarinë kriminale të shitjes së lëndëve narkotike.
Materialet procedurale i kaluan Prokurorisë, për veprime të mëtejshme.
