Një i ri shqiptar bëhëet me dije se është arrestuar në Motril të Spanjës, pasi për të ishte lëshuar një urdhër-arresti nga shteti austriak, e cila e kishte shpallur të riun shqiptar në kërkim ndërkombëtar.
Gjykata e Eisenstadt raportohet se e kishte dënuar shqiptarin për grabitje banesash me forcë. Madje për shqiptarin kishte një hetim të hapur edhe në Gjermani.
Policia në Portin e Motrilit ishte duke kryer një kontroll rutinë me qëllim parandalimin e krimit dhe sigurinë e qytetarëve në atë vend, kur vëzhguan një automjet me qira në të cilin udhëtonin dy burra, dhe kështu zhvilluan një kontroll ndaj tyre. Gjatë vijimit të kontrollit, u zbulua edhe një armë zjarri.
Më pas, agjentët e Brigadës së Sigurisë Qytetare morën informacione të caktuara në lidhje me zbulimin e një arme të fshehur në një garazh ku ishte parkuar automjeti me qira në të cilin udhëtonin të dy burrat, gjë që çoi në fillimin e hetimeve në këtë drejtim, të cilat janë akoma të hapura.
I arrestuari, identiteti i të cilit ende nuk bëhet me dije, tashmë ka kaluar në dispozicion të autoritetit gjyqësor.
Mediat lokale në Motril, raportuan se i riu shqiptar 23-vjeçar, konsiderohet si tmerri i vjedhjes së banesave private, pra një “skifter” profesionist./Gazetareforma.com/
