Kryeministri Edi Rama ka komentuar ditën e sotme ndryshimet e miratuara në Komisionin e Ligjeve. Me anë të një postimi në “Twitter”, Rama u është përgjigjur reagimeve nga opozita dhe Presidenca, që nuk janë dakord me ndërhyrjen në Kushtetutë. Kreu i qeverisë shkruan se marrëveshjen e arritur me opozitën jashtëparlamentare do ta zbatojnë pikë për pikë, por bën me dije se sharjet dhe kërcënimet që po bëhen në drejtim të qeverisë po rrezikojnë paktin.
Rama e cilëson Presidencën si “opozita presidenciale”, ndërsa thotë se Kuvendi është sovran, i dëgjon të gjithë po vendos vetë.
Postimi i plotë i Ramës
Shoh agjitim në radhët e opozitēs jashtëparlametare dhe asaj presidenciale për hapin e hedhur sot në Kuvend drejt hapjes së listave! Jashtëparlamentares i kujtoj se kemi një marrëveshje e do ta zbatojmë në çdo pikë, po kjo s’do të thotë që sharjet e provokimet nuk e rrezikojnë..
Presidenciales i kujtoj se Kuvendi është sovran, i dëgjon të gjithë po vendos vetë! Dhe hapja e listave për t’i dhënë mundësi edhe qytetarëve e jo vetëm kryetarëve të zgjedhin deputetë, si dhe garantimi i përfaqësimit të grave në kushtet kur listat hapen, i bëjnë mirë vendit…
As Jashtëparlamentarja, as Presidencialja s’duhet tê merakosen për fatin e koalicioneve parazgjedhore, sepse askush nuk do t’i ndalojë të vazhdojnë ta ndajnë ombrellën e opozitës së bashkuar edhe në zgjedhje! Taksirat ta ndjekin parlamentin që e duan s’e duan është vendimmarrësi!
