Blendi Klosi propozon një projektligj për ndërrimin e emrit të Urës Vajgurore në Bashka Dimal. Vendim është komik sepse Dimali nuk ka lidhje me Urën Vajgurore, prandaj Rama nuk ka preferuar ta dërgojë këtë projektligj në emër të qeverisë. Kështu, si zakonisht me çështjet komike përdoret ministri Klosi. Kujtojmë se ai ka zbuluar se virusi Covid shpërndahet përmes valëve muzikore.
Ndoshta, me ndërhyrjen kryetarit të Bashkisë Tiranë, që është me orgjinë nga Ura Vajgurore, Klosi ka marrë përsipër misionin që të mbrojë ndërrimin e emrit të Urës Vajgurore në Bashkia Dimal.
Kështu, Ministri i Turizmit dhe Mjedisit Blendi Klosi ka propozuar në Parlament projektligjin për ndryshimin e emrit aktual të Urës Vajgurore. Klosi ka shtruar argumentin se emri aktual nuk është i pëlqyeshëm, ndërsa është propozuar emri “Dimal”, emri i një qyteze të lashtë ilire që gjendet pranë qytetit.
“Qyteti i Dimalit ka pasur një rol të rëndësishëm gjatë luftërave Iliro-Romake, e madje edhe vetë Hanibali ka shprehur interesin që ky qytet të mos bjerë në ndikimin roman.”, shkruan KLosi në realcionin dëguar në Kuvend.
Por çfarë thotë miku i afërt i Ramës dhe Zv. ministri i Infrastrukturës dhe Energjisë, Artan Shkreli. “Pakuptimësi e rrezikshme e nderrimit te toponimit shqip “Ura” me një toponim tjetër, të 2.000 vjetëve më parë, pa lidhje të drejtpërdrejtë me atë vend, përbën një precedent preokupues.
Pra, një grup njerëzish me ndërgjegje e kulturë të pazhvilluar historike, ja dalin të ndërrojnë një toponim treshekullor nisur nga motive krejt fëminore.
Fillimisht, kur aty ndodhej një urë druri, emërtesa e vendit ishte thjesht “Ura”; më pas me urën e gurit ndërtuar nga beu i zonës u quajt “Ura’ Hasan Beut”, e në fund me zhvillimin e industrisë së naftës në rajon, i mbeti “Ura Vajgurore”; ndërsa banorët vijuan të quheshin: “uranjakë”. Ky toponim, “Ura” pra, me apo pa mbiemër, që nuk përben aspak motiv krenarie apo inferioriteti, ështe thjesht një fakt toponomastik i barazvlefshëm me Urën e Kemit = Cambridge në Angli ose thjesht Urën = Mostar në Bosnje (sa për të dhënë dy shembuj), por të tille mund të jepen me dhjetëra nëpër botë.
Ky do te ishte rasti tipik kur Akademia e Shkencave duhej të ndërhynte me kompetencë…do ndodheshim gjithsesi përballë një falsifikimi historik të panevojshëm e të pakuptimtë…”, reagon ndër të tjera studiuesi Artan Shkreli.
/GazetaReforma.com/
