Kryetari i Partisë Demokratike, Lulzim Basha ka reaguar pas lëvizjes së fundit të kryeministrit Rama, i cili pas dorëheqjes së Sandër Lleshajt vendosi në postin e ministrit të Brendshëm, Bledi Çuçin.
Nëpërmjet një postimi në rrjetet sociale, Basha ka shkruar se ndërsa familjet shqiptare vuajnë krizën e rëndë ekonomik dhe shëndetësore, sipas tij Rama e ka mendjen që të bëjë ministra miqtë dhe të afërmit e tij.
“Familjet shqiptare vuajnë krizën e rëndë ekonomike dhe shëndetësore, Rama e ka mendjen ti bëjë ministra miqtë dhe të afërmit e tij. Policia përdor dhunë ndaj të rinjve, Rama paguan charter dhe bileta klasi të parë për shopping në dyqanet luksoze në New York.
Shqipëria ka nevojë për një qeveri që kujdeset për njerëzit dhe jo për veten e saj. Durimit i ka ardhur fundi! Është koha për ndryshim”, ka shkruar kreu i PD-së, Basha./Gazetareforma.com/
