Presidenti Ilir Meta në një konferencë për mediat, ka dhënë sqarime në lidhje me letrën e dërguar Komisionerit për Zgjerim në BE, Oliver Varhelyi.
I pyetur për ndikimin e letrës në hapjen e negociatave, kreu i shtetit tha se ka bërë çdo gjë që Shqipëria të mos mbesë pa Gjykatë Kushtetuese dhe kjo situatë është shkaktuar nga maxhoranca.
Përsa i përket premtimit për shpërndarjen e parlamentit më 15 mars, Meta tha se integriteti i Gjykatës Kushtetuese është vijë e kuqe flakë.
Më tej ai iu drejtua kreut të Kuvendit, Gramoz Ruçi, duke i kërkuar të zgjedhë se cilën anë do të mbajë.
Pjesë nga komunikimi me gazetarët
Pyetja: A druheni se letra juaj mund të ketë ndikim hapjes së negociatave? Herën e shkuar thatë që nuk do hapeshin negociatat, po kësaj here ç’do ndodhë?
Ilir Meta: A i druhem unë të vërtetës që kam 3 vjet që po e them? Kam bërë çdo gjë që Shqipëria mos të rrijë një minutë pa GJykatë Kushtetuese. Situatën e ka shkaktuar maxhoranca. Tani do të kapi edhe GJK. Ajo është e të gjithë shqiptarëve. Nuk ka më arbitër kështu. A e thirrën vetë Komisionin e Venecias? Këto i ka shkuar Venecia. A e thirrën këta Venecian, pse nuk e pritën? Ligjin e kishin miratuar që më parë. A është ky vullnet për çeljen e negociatave? Jo, ka vetëm interes për pushtet absolult. Kisha vetëm një kusht për Zonjën e Bilalit para se të bënim koalicionin, vetëm që të votonte ligjet në Kuvend. Doli më pas afera më e madhe, ajo që ministrja e Drejtësisë urdhëron për të rrëmbyer anëtarin e GJK-së.
PYETJE: Maxhoranca ka bërë të qartë se nuk ka ndërmend të reflektojë, do t’i qëndroni premtimit tuaj?
ILIR META: Po dëgjoja Ruçin lidhur me këtë çështje. Kam vetëm një pyetje, pse duhet të krijohet gjithë kjo situatë kur presidenti i ka kërkuar bashkëpunim, të mos shkelim Kushtetutën dhe nuk kam marrë asnjë lloj përgjigjeje. Kuvendi duhet të zgjedhjë në anën e kujt do të pozicionohet.
Kujtojmë këtu se ditën e djeshme Meta i dërgoi letër Komisionerit për Zgjerim, Oliver Varhelyi, ku akuzonte qeverinë për kapje të Gjykatës Kushtetuese.
Pak momente më parë reagoi edhe vetë Rama, i cili tha se Meta është i vetmi president i një vendi kandidat, që minon rrugën drejt Bashkimit Europian.
