Një tjetër tragjedi ka goditur qytetin e Koçanit, ku shoferi i ambulancës ndërroi jetë pasi kishte kaluar orë të tëra duke transportuar të lënduarit nga zjarri shkatërrimtar në diskotekë.
Sipas mediave vendase, ai u kthye në shtëpi pas një turni të gjatë dhe të lodhshëm për të pushuar, por nuk u zgjua më. Kolegët e tij në Spitalin e Përgjithshëm të Koçanit, ende të tronditur nga ngjarja, sot i japin lamtumirën e fundit kolegut të tyre, duke e përkujtuar si një njeri që nuk reshti së ndihmuari deri në momentin e fundit.
Detajet e fundit nga zjarri tragjik në diskotekën e RMV
Maqedonia e Veriut është në zi kombëtare pas një prej tragjedive më të mëdha të viteve të fundit. Të paktën 59 persona humbën jetën dhe 155 të tjerë mbetën të plagosur në zjarrin që përfshiu një diskotekë gjatë një koncerti në orët e para të së dielës, në qytetin lindor të Koçanit.
Autoritetet po vazhdojnë hetimet për të zbuluar shkakun e saktë të zjarrit, ndërsa vendi ka shpallur një javë zie kombëtare në nder të viktimave.
