Babai i kreut të Partisë Demokratike, Lulzim Basha, është ndarë nga jeta në moshën 85-vjeçare. Xhelal Basha ka mbyllur përgjithmonë sytë pasi ishte i shtruar në spital prej disa kohësh, duke luftuar me një sëmundje të rëndë që prej një viti. Mësohet se babai i Lulzim Bshës vuante nga sëmundja e rëndë e tumorit që i kishte prekur kokën dhe fatkeqësisht nuk ka arritur ta fitojë betejën për jetën. Së fundi gjendja e tij ishte përkeqësuar ndjeshëm, ndërsa sot ai u nda nga jeta në shtëpinë e tij.
Kreu i Partisë Demokratike është treguar i rezervuar për sa i përket prindërve të tij dhe hera e fundit që i shfaqi në publik ishte në qershor të vitit 2020, kur e ëma e Bashës kishte ditëlindjen dhe ai i bëri një urim të veçantë në rrjetet sociale. Basha ‘u zhvesh’ atëherë nga roli i politikanit dhe shkoi në shtëpinë e prindërve të tij bashkë me vëllain, për të uruar nënën e tij, ndërsa ndau edhe foto me ndjekësit e tij.
Nuk ka pasur ende asnjë reagim nga kryedemokrati dhe familja e tij për humbjen e njeriut të tyre të dashur, i cili ndërroi jetë pas betejës së gjatë me sëmundjen e pashërueshme.
