Biznesmeni Gentian Malindi akuzohet si porositësi i 137 kg kokainë, ngarkesë e cila u sekuestrua ditën e sotme në portin e Durrësit.
Siç shkruan “Dosja.al”, skema e bashkëpunimit ishte e shtrirë brenda administratës së portit, ku përveç oficerit të sigurisë, Ardian Bega, ka edhe persona të tjerë të përfshirë.
Bega ka deklaruar në polici, se biznesmeni Gentian Malindi, i ka kërkuar të shkojë në port dhe ta ndihmojë për të nxjerrë disa kuti nga kontenierët me banane.
Bashkë me to ishte edhe Altin Myslimhaka, punëtor i anijes së Malindit.
Pasi ngarkuan kutitë në një makinë me targa franceze, Bega dhe Malindi janë kanë udhëtuar drejt “Shkëmbit të Kavajës”.
Në hyrje të një tuneli para një hoteli, Malindi ka kërkuar që të shohë kutitë.
Pasi pa se kutitë nuk ishin mbështjellë siç kishte rëndë dakort, Malindi i ka kërkuar që të mos flasë asnjeri, pasi në makinë mund të ketë edhe GPS.
“Në makinë mund të ketë GPS. Mos të flasë asnjëri se mund të na ndjekë policia”, mësohet të ketë thënë Malindi.
Kujtojmë këtu se ditën e sotme në portin e Durrësit u sekuestruan 137 kg kokainë. Droga ishte nisur nga Ekuadori dhe kishte ndaluar më parë në portin e Pireut në Greqi.
Pala greke sinjalizoi autoritetet shqiptare dhe më pas bëri zëvendësimin e kokainës me oriz, duke futur edhe një GPS brenda.
