Fjalët e kryeministrit Edi Rama se po bën ç’mos për të zgjidhur çështjen e naftëtarëve, nuk i kanë bindur naftëtarët. Kreu i Sindikatës, Sokol Dautaj, deklaron sërish se përpjekjet e Ramës nuk mjaftojnë, sepse në fund të muajit kanë fatura dhe taksa për të paguar.
Ai e falënderon kryeministrin për përpjekjet, por atyre u duhet zgjidhje.
“Në atë debat kemi disa enigma, se i është folur që u është ofruar një asistencë, gjë që nuk është e vërtetë. Në janar ne i kemi kërkuar që në janar ne kemi kërkuar për 9 muajt që të derdheshin sigurimet shoqërore, është arritur. Kemi kërkuar që mos të digjej afati kohor prej 60 ditës nga ndalesa e punës dhe shkëputja e marrëdhënies mes pronarit qiramarrësi dhe punëtor, se te zyra e papunësisë pas 60 ditësh nuk e merr dot asistencë. Në kohën e pandemisë Rama u ka bërë thirrje pronarëve që të merrnin një ndihmesë financiare për të shlyer, këtë kërkonim ne me forcë. në momentet e fundit, Rama ka nxjerrë një VKM për të ndihmuar naftëtarët dhe ne kemi marrë një pagë lufte. Duke parë që ne kemi prej 9 muajsh përpjekje pa fund për të gjetur një zgjidhje, Ramaz duhet të reagonte më shpejt. Është folur qartë që janë raporte privat-privat. Ku është ky privat, te kjo rafineri ka vetëm naftëtarë jo privat. Pronari derdhur garanci 5 mln euro, kaq kërkojnë naftëtarët. E falenderoj Ramën për përpjekjet por familjet tona nuk mbahen me përpjekje, Rama do taksat tona në fund të muajit, nga do i gjejmë ne, me se do mbahen familjet tona me premtime? Çdo bëjmë ne kush do na marrë përsipër si kryefamiljarë, shteti të luajë një rol rregullator. Nuk mendoj se ka ndonjë ide shumë të qartë që ta ndërpresim grevën e urisë, nëse pronari largohet le të kthehet në shtet. Rafineria ime nuk ka ndalur për avari. Nëse kanë ndërmend ta mbyllin, le të na japim atë që na takon me gjyq”, tha Dautaj.
/GazetaReforma.com/
