Gjatë takimit me aktivistë, kritikë të qeverisë ku po diskutoheshin problematikat, si pjesë e Frontit për Shpëtimin e Shqipërisë ka folur edhe artisti i mirënjohur Mehdi Malkaj. Në fokus të fjalës së aktorit Malkaj pa dyshim ka qenë shembja e teatrit Kombëtar në maj të vitit 2020. Ai u shpreh se është nevoja që protesta për Teatrin Kombëtar të vazhdojë duke shtuar se kanë 5 vite që protestojnë por është koha që të mos ndalet. Aktori nuk kurseu dhe ironinë duke thënë se “Na kanë rrahur me dashuri, por na kanë rrahur dy herë”
“Unë do ju këshilloja një gjë, do thosha që duhet të veprojmë si aleanca për mbrojtjen e teatrit, jemi në vitin e 5 të protestës, në shi në borë në breshër… na kanë rrahur dy herë, na kanë rrahur me dashuri për të mos gënjyer, por na kanë rrahur dy herë… I kapën në gjumë njerëzit dhe nuk çanë kokën dhe e shembën. Duhet të fillojmë dhe mos të ketë fund, jemi në vitin e 5-të. Për mua çdo gjë fillon dhe mbaron tek liria”, u shpreh ai.
Kujtojmë se teatri është shembur në 17 maj të vitit 2020, edhe pas qëndresës së aktorëve për ta mbajtur në këmbë. Në krah të Partisë Demokratike janë vënë disa aktorë të kësaj kauze.
