Ish-deputeti Myslim Murrizi, ka paralajmëruar dy padi të tjera në Strukturën e Posaçme kundër Korrupsionit dhe Krimit të Organizuar (SPAK), kundër ministrisë së Shëndetësisë.
Në një intervistë në “Ora”, ai u shpreh se bëhet fjalë për një tender me vlerë 6.3 milionë euro për sistemit e ujitjes. Po ashtu, Murrizi flet për një tender të dhënë nga ministria e Bujqësisë, që sipas tij ka vlerësuar një lopë me çmimin 3.1 milionë euro.
“Në fushatë që ndaloheshin prokurimet, këta jepnin tendera për zorrë uji në Lushnjë. Del Rama dhe bën spektakël gjoja sikur nuk e di se si jepen tenderat. Ku shkuan paratë e rilindjes urbane? 8 herë janë shtruar pllakat në bashkinë e Divjakës.
Pse nuk flet më Erion Braçe? Pse nuk flet më për shtëpia që plasariten nga Bankersi apo për privatizimin e plazhit të Divjakës? Unë kam 2 raste që do t’i coj në SPAK. Kam një tender 6.3 milionë euro për sistemit e ujitjes, por që nuk ekziston, nuk e di se ku kanë shkuar ata para. Është një tender i dhënë nga ministria e Bujqësisë.
Unë do të padis ministrin e Bujqësisë që ka bërë këtë tender se ia ka vënë çmimin një lopë 3.1 milionë euro. Unë kështu denoncova edhe uniformat e policisë, që pasi lahen një herë shpëlahen si peshqirë banjosh edhe pse kushtojnë si Versaçe. Unë u them atyre që janë arrestuar si zyrtarë të dorës së dytë dhe të tretë të tregojnë dhe të dalin jashtë”, u shpreh Murrizi.
