Vrasja e Anxhelina Petros në Korfuz nga I ati, ishte një ngjarje e tmerrshme, mirëpo dëshmi akoma më e tmerrshme na vjen nga “motra” e të resë, Klea Zenuni.
E vendosëm fjalën “motër” në thonjza për arsye sepse Klea nuk është motra e vërtetë e 28-vjeares, por vajza e bashkëshortit të dytë të Anxhelinës, të cilën nëna e kësaj të fundit e ka rritur që foshnjë. E megjithatë nëna e Anxhelinës nuk ka bërë diferenca, po e ka mësuar Klean ta dojë vajzën tjetër njësoj si motrën e saj.
Në një intervistë për Rudina Xhungën në Nevvs24, Klea dëshmon se Anxhelina është varrosur për së gjalli.
Klea, tregon se një i afërm i tyre që jeton në Greqi, sapo ka mësuar rreth ngjarjes, ka shkuar në fshatin e Anxhelinës dhe ka mësuar se natën e krimit kishte ndodhur një sherr i madh mes babait dhe vajzës për të dashurin afgan. Babai e kishte rrahur keq vajzën dhe ajo për t’i shpëtuar dhunës ishte hedhur nga dritarja.
Babai e kishte ndjekur dhe e kishte kapur në oborr, e kishte qëlluar me shkelma dhe më pas me një shufer hekuri në kokë. Vajza ka humbur ndjenjat, por babai duke menduar se ajo kishte vdekur, nxitoi ta varrosë në oborrin e shtëpisë.
Vdekja me llahtarë duket se është kapaku i ngjarjeve edhe më të tmerrshme që kanë ndodhur në shtëpinë e Aleko Petros. Sipas 20 vjecares Klea Zenuni, i ati kishte abuzuar seksualisht me Anxhelinën.
Bardhyl Guri i pagëzuar me emrin Aleko Petro, e thirri vajzën në Greqi për një jetë më të mirë, por në vend t’i jepte ngrohtësinë dhe mbështetjen e babait, e shfrytëzoi seksualisht për 12 vite. Familja e së ëmës së Angelinës filloi të dyshojë për këtë pas vdekjes së vajzës, duke sjellë ndërmend bisedat e shkurtra me të në internet.
“Kur e kam pyetur “a je e lidhur me dikë apo je e dashuruar”, Anxhelina më është përgjigjur “nuk mundem sepse zemra ime është shumë e vrarë,janë shumë gjëra në mes dhe nuk mund të shprehem dot”-thotë Klea.
Për Klean, Aleko Petro ishte një njeri pijanec, xheloz dhe kumarxhi. Ajo kërkon nga drejtësia greke dënimin “me vdekje” për një baba të tillë, që abuzon me vajzën, që e rreh, dhe e varros të gjallë.
