Pas reshjeve intensive të dëborës që përfshinë Qarkun e Dibrës, situata mbetet ende problematike.
Reshjet u ndërprenë që gjatë natës së kaluar, por tashmë ngricat kanë zënë vendin e tyre. Në Bulqizë, temperaturat kanë arritur deri në -15°C, duke e bërë situatën më të vështirë.
Aktualisht, rreth 60% e fshatrave në këtë qark vazhdojnë të jenë të izoluara, pasi trashësia e dëborës ka arritur deri në 1 metër në zona si Lura, Selishta, Kalaja e Dodës, Sllova, Trebishti dhe Ostreni.
Për shkak të këtyre kushteve të rënda atmosferike, mësimi është pezulluar në 60% të shkollave të qarkut.
Pushteti vendor dhe firmat nënkontraktore po punojnë intensivisht për hapjen e rrugëve dhe përmirësimin e qarkullimit.
Aktualisht, rruga nacionale Peshkopi-Bulqizë paraqet vështirësi në disa segmente, ku përdorimi i zinxhirëve është i detyrueshëm. Megjithatë, një përmirësim i rëndësishëm është hapja e rrugës së Arbrit në orët e para të mëngjesit, falë angazhimit të kompanive të kontraktuara që po kryejnë pastrimin dhe hedhjen e kripës për të lehtësuar qarkullimin.
Përpjekjet për normalizimin e situatës vijojnë, ndërsa autoritetet u bëjnë thirrje banorëve të tregojnë kujdes gjatë lëvizjeve.
Njoftim nga prefekti i qarkut Lezhë:
Në territorin e qarkut Lezhë, situata aktualisht duket më e qetë, intensiteti i erës ka rënë në mesatare.
Nga strukturat e MC të bashkisë Kurbin dhe OSHEE do punohet për riparimin e defekteve elektrike dhe pastrimin e qytetit nga mbeturinat e sjalla nga era.
Nga strukturat e MC të bashkisë Lezhë dhe OSHEE do punohet për riparimin e defekteve të shumta elektrike dhe pastrimin e qytetit nga mbeturinat e sjalla nga era.
Nga strukturat e MC të bashkisë Mirditë dhe OSHEE do punohet për riparimin e defekteve elektrike dhe pastrimin e qytetit nga mbeturinat e sjalla nga era, pastrimin e segmenteve rrugore nga dëbora, kriposjen e tyre.
Probleme të furnizimit me ujë të pishëm dhe energji elektrike nuk ka.
Kuota e lumit Drin e Mat vazhdojnë të jenë në nivele minimale.
Hidrovorët janë në gadishmëri.
