Moti i keq dhe gjendja e rrugëve ka bërë që jo vetëm automjetet, por edhe ambulancat të hasin vështirësi.
Situata e fundit ka ndodhur në Korçë ku ambulanca ka mbetur në mes të rrugës, pasi nuk kishte marrë me vete zinxhirat. Edhe pse shërbimi metreologjik ka tashmë një javë që paralajmëron të gjithë qytetarët dhe institucionet shtetërore të tregojnë kujdes për shkak të motit, mesa duket shërbimi spitalor i Korçës nuk i ka marrë shumë për bazë. Ndaj dhe për shkak të kësaj pakujdesie, pacienti nuk ka marrë në kohën e duhur shërbimin mjekësor.
Policia vendos masa administrative për çdo drejtues të cilët nuk pajisen me zinxhirë, mirëpo ka anashkaluar institucionet të tilla si spitalet, duke marrë parasysh edhe rëndësishnë që ata kanë.
Video është regjistruar në qendër të qytetit të Korçës. Në pamje shihet qartë pamundësia e lëvizjes së ambulancës.
