Prokurori i Tiranës, Adnand Xhelili është shkarkuar nga detyra ditën e sotme.
Komisioni që vendosi për fatin e tij përbëhej nga kryesori Olsi Komici, relatore Firdes Shuli dhe anëtare Brunilda Bekteshi.
Problemet pasurore që gjeti komisioni gjatë seancës dëgjimore, lidhen me një apartament me sipërfaqje 117 m2 në Tiranë dhe një vilë tre katëshe në Borsh.
Firdes Shuli sqaroi, se Xhelili e kishte blerë apartamentin si i pastrehë nga Enti i Banesave, për vlerën 1.1 milion lekë dhe e kishte shlyer gjatë periudhës 1999-2005.
Mirëpo Komisioni gjeti një mospërputhje të deklarimit pasuror në vitin 2003 me atë të vettingut, ku një rastin e parë ishte shënuar një kredi dhe në të dytin kursime familjare.
Gjithashtu u gjetën mospërputhje në deklarata edhe për vlerën e apartamentit.
Relatorja e seancës tha se prokurori nuk ka dhënë shpjegime për gjetjet, por pas përfundimit të hetimit ka dorëzuar prova të rejda, që do të vlerësohen.
