Marrëdhëniet mes Turqisë dhe Francës sa vijnë e tensionohen pas lajmeve të ditëve të fundit ku presidenti turk Rexhep Tajip Erdogan tha se presidenti francez Emannuel Macron ka nevojë ka nevojë për kontroll mendor dhe se nëse Evropa nuk shërohet nga sëmundja e islamofobisë atëherë ajo do të shkatërrohet.
Ndërkohë menjëherë pas këtij lajmi reagoi dhe homologu i tij Macron i cili kërkoi që të tërheqë ambasadorin e Francës nga Turqia. Presidenti Macron e argumentoi këtë hap me sulmet e presidentit turk dhe deklaratat e tij janë të “papranueshme”.
Menjëherë pas këtij lajmi ka reaguar përsëri presidenti turk i cili ka kërkuar që turqit të mos blejnë kurrë mallra franceze.
“Ashtu siç thonë ata në Francë ‘mos blini mallra të markave turke’, unë u bëj thirrje të gjithë qytetarëve të mi që të mos i ndihmojnë kurrë markat franceze, të mos i blejnë ato,” tha zoti Erdogan.
Franca është burimi i 10-të më i madh i importeve të Turqisë dhe tregu i shtatë më i madh për eksportet turke, sipas Institutit Statistikor të Turqisë. Automjetet franceze janë ndër më të shiturat në Turqi.
Prej disa kohësh marrëdhëniet e Turqisë dhe Francës nuk janë aspak të mira dhe tensionohen vazhdimisht për shkak të ngjarjeve të fundit që po ndodhin me konfliktin mes Armenisë dhe Azerbajaxhanit apo vetë Turqisë me Greqinë.
