Ndërsa në vendin tonë kanë ardhur vaksinat kineze dhe ato ruse, mjeku shqiptar që punon në SHBA, Arban Domi, ka dalë kundër qeverisë shqiptare.
Sipas tij ardhja e vaksinës kineze në vendin tonë është pafalshme, ndërsa përmendi dhe arsyet.
Sipas Domit, nuk ka asnjë studim që të tregojë sigurinë e vaksinës kineze, ndërsa shtoi më tej se ajo nuk është certifikuar.
“E pafalshme. Për këtë vaksinë le të arrim të mirëqenë faktin se për atë janë kaluar të gjitha fazat, por sa siguri ka kjo vaksinë? Kjo vaksinë garanton me të dy dozat e saj sigurojnë një mbrojtje prej 50.38 %”, theksoi mjeku.
Kujtojmë se prej dy ditësh tashmë, në Shqipëri ka nisur vaksinimi masiv me vaksinën kineze “Sinovax”.
Sipas planit aktual të qeverisë, piten që të marrin dozat e para rreth 500 mijë qytetarë deri fund të muajit qershor, ndërsa brenda 14 muajve të ardhëm, është projektuar vaksinimi i plotë i popullsisë në vend.
Kujtojmë se pas 10 mijë dozave të para ruse “SputnikV”, të cilat u dhuruan nga Princi i Emirateve të Bashkuara, në Shqipëri erdhën 192 mijë doza të vaksinave kineze.
Deri më tani këto dy lloje vaksinash nuk janë të certifikuara nga EMA apo OBSH, por vetëm nga instuticione të shteteve përkatëse.
Sa i përket shifrave totale të vaksinave në vendin tonë, janë 282 mijë vaksina.
