Ngjarja e rëndë që tronditi Shkodrën ka nxjerrë në pah detaje të reja mbi jetën e 44-vjeçares Anila Prendushi, e cila mbeti e plagosur rëndë nga partneri i saj, 34-vjeçari Kolë Manaj.
Mësohet se dy djemtë e saj të rritur kishin vite që nuk mbanin kontakte me të, pasi nuk e pranonin lidhjen e saj me 34-vjeçarin.
Megjithatë, sapo morën vesh për gjendjen e nënës së tyre, ata janë afruar pranë saj në spital dhe po qëndrojnë bashkë me tezet e tyre.
Anila Prendushi, e cila punonte si psikologe dhe mbante e vetme familjen, u qëllua me plumb në kokë pas një debati me partnerin. Autori, pasi kreu sulmin, vendosi t’i japë fund jetës.
Burime bëjnë me dije se 34-vjeçari i kishte dërguar viktimës një video ku, në gjendje të rënduar emocionale, e paralajmëronte për aktin e tij ekstrem.
Mjekët nuk japin shpresa për përmirësimin e 44-vjeçares, ndërsa familjarët e saj presin një mrekulli.
