Sulmuesi shqiptar Mirlind Daku ka folur hapur për ngjarjet e fundit që e kanë përfshirë në një skandal, pasi ai u pezullua nga UEFA për dy ndeshje për shkak të komenteve raciste gjatë një ndeshje të futbollit. Në një intervistë për mediat ruse Sport-express.ru, Daku shprehet se ka kaluar një javë të vështirë dhe pranon përgjegjësinë për veprimet e tij.
Daku tregon se gjatë një mbështetjeje për shokun e tij të skuadrës, Elseid Hysaj, pas një ndeshje me Kroacinë, ai mori përsipër altoparlantin në tribunë dhe bëri komente që nxitën reagime të ashpra. “Kjo atmosferë të shoqëron gjatë ndeshjes dhe të mbërthen. Ndikon te të gjithë në stadium. Por kjo nuk më justifikon. Menjëherë më pas e kam kuptuar se çka kam bërë: kam thënë gjëra të papërshtatshme. Isha i shokuar që lejova emocionet të më kaplojnë dhe që lejova veten të bëj gjëra të tilla,” deklaroi Daku.
Ai theksoi se nuk kishte qëllim të ofendojë dhe se kupton rëndësinë e fjalëve të tij. “Më e rëndësishmja, nuk është dashur të them fjalë të tilla për asnjë popull. Është thjesht e papranueshme dhe një akt i tmerrshëm,” shtoi ai. Daku gjithashtu shprehu përkushtimin e tij për të dëshmuar se mund të mësojë nga ky incident dhe se nuk do të përsërisë një gabim të tillë.
Në fund, Daku kërkoi falje publikisht për çdo person që ndjeu se ishte lënduar nga fjalët e tij dhe u zotua të punojë për të përmirësuar veten si person dhe si sportist. Ai tani pret të rikthehet në fushën e lojës pas përfundimit të pezullimit dhe të vazhdojë karrierën e tij me përkushtim të ri.
