Dhoma e Ulët e Parlamentit britanik ka aprovuar një mocion të propozuar nga deputetja Alicia Kearns, që rikonfirmon mbështetjen e Britanisë për integritetin territorial të Kosovës dhe Bosnjë-Hercegovinës. Mocioni gjithashtu dënon sulmin e militantëve serbë në Banjska dhe kërkon publikimin e një raporti nga SHBA që identifikon përgjegjësit e këtij sulmi.
Propozimi i Kearns u hodh në votim pas një debati intensiv mbi sigurinë në Ballkanin Perëndimor, duke theksuar nevojën për një qasje më të angazhuar nga Britania dhe partnerët ndërkombëtarë në përmirësimin e stabilitetit në rajon. Mocioni vë në dukje rëndësinë e mbështetjes për autoritetin e Gjykatës Kushtetuese në Bosnjë dhe Hercegovinë dhe kritikon ndërhyrjet ruse dhe retorikën irredentiste në Mal të Zi.
Kearns ka përfunduar një fjalim të gjatë gjatë debatit, duke diskutuar edhe për anëtarësimin e mundshëm të Kosovës në Këshillin e Evropës, ndikimin e ndërtimit të një Asociacioni të komunave serbe, dhe ka bërë thirrje për një rol më aktiv të Britanisë në bisedimet për paqen dhe stabilitetin në Ballkan.
