Vijon të jetë i ulët numri i rasteve të reja me Covid-19 në vendin tonë pasi në 24 orët e fundit janë regjistruar 12 raste të reja me Covid-19, nga 170 persona të testuar, duke e çuar numrin total të të prekurve në 868.
Shpërndarja e të rasteve të reja me Covid-19 është si vijon: 8 raste në Tiranë, 2 në Kamëz, 1 në Krujë dhe 1 në Fier.
Sakaq, janë shëruar 23 persona dhe numri total i të shëruarve është 650, ose rreth 75% e të prekurve.
Aktualisht në dy spitalet Covid, në spitalin Infektiv dhe spitalin “Shefqet Ndroqi”, janë të shtruar 29 pacientë dhe vetëm 4 prej tyre janë në terapi intensive, dhe prej më shumë se 10 ditësh nuk është shënuar asnjë humbje jete.
Në të gjithë vendin janë 187 persona aktivë me Covid-19, kryesisht ne Tiranë, Krujë, Shkodër, Kamëz.
Nga nesër shtohen si zona të gjelbërta bashkitë: Lushnje, Patos, Roskovec, Korcë, Has, Kukës, Lezhë, Mirditë, Fushë-Arrez, Malësi e Madhe, Pukë, Vau Dejes, Kavajë dhe Vorë, me të njëjtat rregulla dhe në këto zona lejohet qarkullimi ndërqytetas brenda zonave të gjelbërta me automjet privat, duke lejuar udhëtimin e më shumë se dy personave të së njejtës familje, deri në orën 21:00.
Po kështu, lejohen të ushtrojnë veprimtarinë sipas protokolleve strikte të sigurisë, klinikat dentare, parukeri, berber dhe dyqanet në qendrat tregëtare, teksa duke filluar nga data 11 maj të gjithë të riatdhesuarit do të vetëkarantinohen në banesë.
https://www.facebook.com/edirama.al/videos/1090132678025732/
