Ministri në detyrë për Evropën dhe Punët e Jashtme, Gent Cakaj ka njoftuar ditën e sotme se me mbështetjen financiare të qeverisë së Shqipërisë e Kosovës, është bërë e mundur shpërndarja falas e teksteve shkollore për nxënësit shqiptarë në Luginën e Preshevës.
Me anë të një postimi në rrjetin social Facebook, Cakaj ka njoftuar se do të shpërndahen 20.000 libra dhe do të përfitojnë 4000 nxënës shqiptarë.
Sipas Cakaj kjo mbështetje do të kontribuojë në forcimin e arsimit në gjuhën shqipe e në rritjen e cilësisë së edukimit në Luginën e Preshevës.
Postimi i plotë i ministrit Cakaj:
Në ndërkohë një punë e vyer nga Këshilli Kombëtar Shqiptar në Luginën e Preshevës …
Me mbështetjen e drejtpërdrejtë financiare nga Qeveria e Shqipërisë e Kosovës, Këshilli Kombëtar Shqiptar sot ka filluar shpërndarjen falas të teksteve shkollore për nxënësit shqiptarë në Luginë të Preshevës. Atje do të shpërndahen rreth 20.000 libra dhe do të përfitojnë 4.000 nxënës shqiptarë.
Kjo mbështetje do të kontribuojë në forcimin e arsimit në gjuhën shqipe e në rritjen e cilësisë së edukimit në Luginën e Preshevës.
Përderisa mbetet ende shumë për t’u bërë, ne do të vazhdojmë me masa tjera për ta mbështetur pakursyer Luginën…
