Presidenti Ilir Meta nuk ka humbur kohë dhe ka shkuar menjëherë në zyrat e FRD, të cilat Policia Bashkiake i ka bastisur më herët. Meta madje është përplasur fizikisht me policinë dhe i ka kërkuar të dalin nga zyrat. Meta ka takuar nga afër kreun e FRD, Sali Shehun dhe i ka shprehur mbështetjen.
“Dilni nga zyrat ose do t’ju çoj në burg me duart e mia”-ka thënë Meta.
Presidenti gjithhstu është shprehur se kjo është një përpjekje për të realizuar një grusht shteti. Meta e ka konsideruar Bashkinë e Tiranës një bandë dhe ngjarjen e sotme përpjekje mafioze për të vënë dorë në procesin zgjedhor. Ai ka thënë se ka shkuar menjëherë aty pas telefonatës së Sali Shehu.
“E konsideroj si një përpjekje për të realizuar një grusht shteti. Ti sjellësh një partie zyretare opozitare menjëherë pasi nënshkruan një marrëveshje me PD për të marrë pjesë në zgjedhje, ti sjellësh një shkresë të tillë as vulë dhe as emër tituallari as nr protokolli të bërë vetëm për të dhunuar fizikisht e fizikisht çdo forcë opozitare që synoin të konkurojë në zgjedhje. Kjo është Bashki-bandë. Është tepër irrituese. Është paralajmërim për qytetarët për përpjekjet mafioze për të vënë dorë në procesin zgjedhor. I bëj thirrje opozitës të zgjohet dhe të mos lejojë më prekje të rregullave të garës se do të jetë vonë. Jam pas telefonatës së Shehut.”, tha Meta.
Nga ana tjetër kreu i FRD, Sali Shehu është shprehur se nuk del nga zyra vetëm nëse e arrestojne.
“Kjo është një tentativë e neveritshme kundër FRD. Nuk na lejojnë të futemi brenda. Kemi përgatitur kallëzim penal për Bashkinë. Do jem në zyrë nëse e kanë vendosur le të më arrestojnë,”- deklaroi Shehu.
