Gjatë Konventës Kombëtare të Partisë së Lirisë, Ilir Meta akuzoi Edi Ramën dhe Lulzim Bashën se kishin tentuar të dobësonin Lëvizjen Socialiste për Integrim (LSI). Sipas tij, dy kompani izraelite, të angazhuara nga Basha dhe Rama, kishin vepruar kundër LSI-së.
Meta hodhi akuza të rënda gjithashtu ndaj Ramës dhe Bashës për blerje të vendit të parë në listat e deputetëve, duke thënë se ata kishin paguar nga 1 deri në 2 milionë euro. Ai theksoi se, ndryshe nga të tjerët, zgjodhi të vendosë të rinjtë në lista për të shërbyer si modele pozitive.
“Pse gënjehet Ilir Meta me foto, bëj një foto 5 veta aty. Bënë mbledhje ata të rinisë e u mblodhën 15 veta. Nuk dinte Ilir Meta si Luli dhe torollaku të merrte nga 1 milion euro, 2 milionë euro për të vënë të parin në Fier, të dytin atje apo këtu. Unë vura të rinj që të bëhen modele për të rinjtë,” deklaroi Meta në Konventë.
