Presidenti Ilir Meta ka qenë i ftuar në emision 360 gradë.
Ai ka komentuar krizën politike të vendit tonë, duke thënë se tension është i qëllimshëm dhe i sponsorizuar, duke ia atribuar këtë një personi.
Ndonëse nuk përmendi emra, kuptohet se Meta i referohet kryeministrit Edi Rama.
“Tensioni në Shqipëri nuk është i rastësishëm, por i sponsorizuar dhe i provokuar qëllimisht. Ky tension qëndron në arbitraritetin e një individi që ka rrezuar për fat të keq një sistem të tërë të shtetit ligjor dhe të së drejtës. Këtë situatë po e shfrytëzon për fat të keq Serbia për të pasqyruar shqiptaret në botë, si në Shqipëri dhe në Kosovë, si një popull të paaftë për të ndërtuar shtet. Politika serbe për fat të keq ka avancuar shumë.”
Më tej, Meta i cilësoi deklaratat e Ramës për Kosovën si provokime të qëllimshme.
Ai solli në vëmendje propozimin e Ramës për një president të përbashkët mes Shqipërisë dhe Kosovës.
“Përse duhej një deklaratë e tillë? Më e pakta serbët e përdorin dhe thonë përse duhet t’a njihni Kosovën të pavarur, këta do bashkohen me Shqipërinë”,- tha Presidenti Meta.
