Presidenti Ilir Meta ka folur ditën e sotme ka dalë në një konferencë për shtyp, ku ka komentuar edhe zgjedhjet e 30 qershorit. Meta ka përdorur tone të ashpra ndaj kryeministrit Rama e George Soros.
Ai ka dy fjalë për vetë Sorosin e djalin e tij, i cili vjen shpeshherë në Shqipëri dhe është i mirëpritur. Meta u shpreh se nuk është i racës së Gruevskit, por i politikanëve si Avni Rustemi, Mic Sokoli, etj.
Ai deklaroi:
“Kam dy fjalë edhe për George Soros. I uroj jetë të gjatë, suksese dhe të birit që vjen shpesh në Shqipëri, se shkon dhe në Kosovë e Serbi, ti gëzojë ato miliardat e veta, të investojë në tregje të mëdha, sepse Meta nuk është i racës së Gruevskit, por i politikanëve si Avni Rustemi, Mic Sokoli, etj”.
Fjalët e Presidentit erdhën pasi ai tha se i ka bërë thirrje Bashës, Kryemadhit dhe doktorit të jenë të kujdesshëm të mos bien pre e provokimeve të strukturuara të PPPd.
Meta sqaroi se PPPd është një grup i strukturuar që punon sipas parimeve të “deep state”, duan të kapin shtetin dhe kanë gjetur njeriun e duhur për këtë çështje, duke lënë të nënkuptohej se ky njeri është Edi Rama.
“I ftoj dhe të huajt të mos tallen me Kushtetutën tonë. Janë tallur në vitin 2008-ën, njëri nga ata është ende ambasador. Duhet të bëhemi popull e komb serioz dhe duhet t’i zgjidhim vetë pa u ngatërruar ambasadat.
Shqipëria nuk duhet të bëhet vend qesharak, të dinë shqiptarët. Kush janë këta ambasadorë që kujtohen ditën e shtunë?
Kush bëri lojë përsëri me kredon kur Ilir Meta ishte president?”shtoi më tej presidenti Meta.
