Prej muajsh Shqipëria është e mbërthyer nga lufta institucionale.
Presidenti Ilir Meta akuzon qeverinë dhe kreun e KED, Ardian Dvorani, për emërime të paligjshme në Gjykatën Kushtetuese dhe vjedhje kompetencash.
Nga ana tjetër është ngritur një Komision Hetimor për të vlerësuar të gjitha shkeljet e presidentit.
I ftuar në emisionin “Open”, Meta deklaroi se është i përgatitur për të gjithë skenaret.
Më tej presidenti shtoi se askush nuk mund ta shkarkojë pa i mbaruar mandati.
Jam përgatitur për të gjitha skenaret. Edhe me tanke po të vijnë në Presidencë do marrin pergjigjen më shembullore. Para se të më shkarkojnë ata do i shkarkoj unë me popullin shqiptar. Po e bëj të qartë, jam gati per çdo skenar. Ata le të vazhdojnë, une do t’u jap përgjigje shembullore. Ata në Kuvend të shkarkuar janë, po të sillen si një bandë. Ata janë të shkarkuar, sepse kanë humbur çdo lloj legjitimiteti, kanë frikë nga fjala e lirë, nga liria e qytetarëve, ndërsa unë nuk kam frikë, përkundrazi”, tha Meta.
Ndër të tjera Meta tha, se vendi po përballet me krizë mosbesimi dhe shpopullim.
Kreu i Shtetit theksoi se vendi po zbrazet dhe po shpopullohet nga kriza e madhe e mosbesimit.
