Të tjera mesazhe skandaloze mes Tire Alldervishit dhe një pacienteje me COVID që nderroi jetë janë publikuar nga emisioni Stop. Në tekstin e mesazheve lexohet se pacientja i lutej në mënyrë të dëshpëruar Tires që t’i jepte ushqim, edhe pse merrte para vazhdimisht nga vajza e pacientes në mënyrë që Tire Alldërvishi t’i shërbente të ëmës.
Në datën 6 Dhjetor në mëngjes, pacientja e ndjerë i drejtohej Tires: “Të hënksha m****, hajde 1 sekondë”.
Pas 45 minutash që Tirja nuk kishte ardhur, pacientja e kërkonë sërish:
“O Tire, hajde të hënksha m****. Ku je? Hajde”.
Më tej pacientja pyet nëse Tirja e ka takuar Anin (të bijën), me shpresën që ajo të kishte paguar Tiren për t’i kryer shërbimin.
Mesahzet e tjera i përkasin datës 12 dhjetor dhe në orën 9:30 të mëngjesit pacientja i lutej Tires për bukë. E ndjera ndër të tjera vuante edhe nga diabeti.
“O Tire, po më dridhet trupi për bukë. Po më bie diabeti, hajde shpejtë”.
E njëjta histori përsëritet pas gjysmë ore dhe më pas sërish në 13 dhjetor.
“Të thashë më jep çik bukë, më ike”.
“Kur do të ha bukë. S’ma bërë insulinën, të lutem hajde pak. O Tire hajde pak të lutem”.
Sërish në 15 dhjetor e ndjera i lutej Tires për një copë bukë madje duke i thënë se do ta paguante.
“Pse më tradhtove? Jam keq. Më kthe përgjigje”.
Por Tirja, që thoshte se pacienten e kishte teze, mjaftohej t’i thoshte: “Mirëmëngjes teze. Jam në shtëpi, jo në punë”.
Në ditët e fundit të jetës së pacientes mesazhet janë edhe më të dëshpëruara, ku ajo i kërkon Tires me ngulm ushqim.
“Të du shumë, hajde pak. Hajde më jep pak ujë. A je në punë? Hajde më vrit me duart tuaja dhe ik”.
Rasti i Tires nxorri në pah një gangrenë korrupsioni nga e cila vuajnë spitalet shqiptare, ku të gjithë janë të detyruar të paguajnë për gjithçka, pavarësisht shëndetësisë së premtuar falas.
