Ardhja e kryeministrit Edi Rama ka shtuar edhe më tej tensionet në Kuvendin e Shqipërisë.
Rama u shpreh nga foltorja e Kuvendit, se asnjë vend nuk ka bërë asgjë më shumë sesa kemi bërë ne dhe Shqipëria futet mes vendeve me bilancin më të mirë.
“OBSH është shfaqur më shumë se njëherë kontradiktore me veten. Kjo përballje po godet zhvillimin e planetit si asnjëherë më parë. Unë di të them këtë, dhe di ta faktoj këtë që po them, asnjë vend, asnjë vend në glob nuk ka bërë asgjë më shumë sesa kemi bërë. Asgjë më shumë. Shqipëria llogaritet mes vendeve me bilancin më të mirë. S’kemi kujt t’i kemi zili fare. S’kam mundur të dëgjoj ndonjë ekspert botëror që thotë një gjë të re që se kam dëgjuar nga ekspertët tanë. Do e fitojmë këtë luftë, me stres, por pa diskutim që do të fitojmë. S’do të lejojmë që për shkak të pasojave, reformën e stresit, kur në njërën anë njerëzit nuk janë të tkurrur si në fillim për rrezikun. Është e kuptueshme që gjithë popujt të spostohen drejt ekonomisë, kur s’ka lajme intesive të zeza nga shëndetësia, por është e pafalshme për ne, që të lejojmë të dalë situata”, tha Rama.
Kryeministri pati përplasje në distancë me deputetët e opozitës së re, Kujtim Gjuzin, Myslim Murrizin dhe Ralf Gjonin.
Gjuzi i kujtoi Ramës se me urdhërat e nxjerra gjatë periudhës së pandemisë ka shkelur ligjin.
Ndërsa Gjoni me Murrizin, shpërthyen, pasi Rama tha se Franca u ka dhënë atyre me asistencë vetëm 150 euro ndihmë.
DEBATI I PLOTE:
Edi Rama: Flasin ata që i bëjnë llogaritë pa hanxhiun. E dini ju sa ka caktuar Franca? 150 euro plus… shifër konkrete…
Ralf Gjoni: Cfarë thua more? Ca thua? Gënjen, Gënjen, Gënjen
Edi Rama: Unë flas me shifra konkrete, jo me dëngla. Shifra për familjet me asistencë është 150 euro…
Myslim Murrizi: Po t’i s’je mirë…
Gramoz Ruçi: Murrizi tërhiq mbrapsht atë që the.
Edi Rama: Ato të tuat janë dëngla, por unë nuk po flisja për dënglat e tua. Franca…
Edi Rama: Franca ka dhënë njësoj si ne 1000 euro për ata që janë në vijën e parë. S’po bëj krahasime me Francën, por ato që dëgjoni në TV dhe Portale, s’kanë lidhje me realitetin. Dëgjova këtu që kush është ajo qeveri që çon qese? Qeveria italiane jep tallona ushqimi…. Kur flasim të mos harrojmë ku jemi dhe çfarë kemi arritur të bëjmë. Duhet të mos ushqejmë mllef, mërzi dhe pasiguri, nuk e di se çfarë. E kam me shumë të tjerë, ata që ishin këtu dhe të tjerë, individë që flasin dhe nuk dinë se ç’flasin.
